Baqikelele bephawula ngenhlangano entsha

Comment on this story
no Copy of ct Mamphela Ramphele_3711 Group UDkt Mamphela Ramphele. Isithombe: Jason Boud

INTATHELI YESOLEZWE

Izinhlangano zepolitiki ziphawule ngokuqikelela ngokumenyezelwa kwenhlangano entsha yezombusazwe eyethulwe yisishoshovu uDkt Mamphela Ramphele ngoMsombuluko.

“IDemocratic Alliance iyakwamukela ukwethulwa kweqembu likaDkt Ramphele, nokukhuluma kwakhe athi ufuna ukusebenzisana nabantu baseNingizimu Afrika ekwenzweni ngcono izwe,” kusho umkhulumeli we-DA, uMnuz Mmusi Maimane.

“UDkt Ramphele unemibono nemigomo efanayo naleyo ye-DA, ewukuthi abantu abaphathwe ngokulingana kungabhekwa ibala labo, kuvikelwe umthethosisekeleo. Umnyakazo wakhe ungesinye isinyathelo endleleni ende yokuhlela kabusha ezombusazwe ezweni lethu,” kusho uMaimane.

Umholi we-United Democratic Movement, uMnuz Bantu Holomisa, naye usamukele isinqumo sikaRamphele.

“Sizosebenzisana noDkt Ramphele emizameni yokwenza ngcono iNingizmu Afrika.

UDkt Ramphele umemezele ukuqalwa kweqembu elisha, waqeda ukuqagela obese kudonse amasonto.

Iqembu limenyezelwe eWomen's Gaol, eConstitution Hill, eBraamfontein.

“Namuhla ngithanda ukunazisa ukuthi ngisebenzisana nabanye abantu baseNingizimu Afrika ukubumba iqembu elizobuyisa ithemba kubantu baseNingizimu Afrika,” kusho uDkt Ramphele.

“Sizolibiza nge-Agang SA, ngesiZulu okusho ukuthi masakhe iNingizimu Afrika. Enye yezinhloso zayo kuzokuba wukulwa nenkohlakalo,” kusho uDkt Ramphele.

Uthe ubonile uma ebheka kwezepolitiki ukuthi kukhona igebe phakathi kwesizukulwane esalwela inkululeko naleso sezingane zakhe. Bazokhankasa nangezinkundla zokuxhumana.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.