EloBobby Motaung lihlehlisiwe

Comment on this story
no Copy of st Bobby March 4 pic Mandla Khoza UBOBBY Motaung oyimenenja yeKazier Chiefs emi ngaphandle kwenkantoo yaseNelspruit lapho ebhekene khona namacala enkahlakalo. Isithombe: Mandla Khoza

Mandla Khoza

SIZOBUYELA ngenyanga ezayo enkantolo isikhulu seKaizer Chiefs, uMnuz Bobby Motaung, kanye nabanye abahlanu ababhekene necala eliphathelene no-R920 million wokwakhiwa kwenkundla iMbombela eMpumalanga.

UMotaung ubhekene naleli cala noMnuz Hebert Theledi kanye nowayeyisikhulu esiphezulu enkampanini iLefika Emerging Equity, uMnuz Chris Grib, ummeli uMnuz Michael Romanos, owayeyimenenja kumasipala iMbombela, uMnuz Jacob Dladla nomunye owabe eyimenenja ye-technical services kumasipala waseHlanzeni, uMuz Tebogo Kubeka. Laba bavele izolo enkantolo yeMantshi eNelspruit.

Abazange babuzwe ukuthi bayalivuma noma bayaliphika yini icala. Amacala ababhekene nawo awokukhwabanisa, amathathu enkohlakalo, uzungu lokwenza inkohlakalo nokuphula umthetho iMunicipal Finance Management Act.

Leli cala lisukela ekwakhiweni kwenkundla ka-2010 iMbombela stadium eyabiza uR1.2 billion.

Ekusukeni bekuwuDladla noKubeka kuphela ababebekwe icala elithinta imali engu-R920 million kodwa ngoLwesihlanu iNational Prosecuting Authority ingeze uMotaung, Theledi, Grib noRamano.

Bobane babekwe amacala amasha ngesikhathi bevele ngelinye icala lika-R143 million ophathelene nokuphathwa nokudweba i-pulani yenkundla.

UMshushisi uPatrick Nkuna utshele inkantolo ukuthi amacala amasha amayelana nokulahleka kuka-R920 million nokuthi abasolwa bahlangana ngenkohlakalo baqasha inkampani iBasil Reed ukwakha inkundla.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.