I-ORLANDO Pirates imemezele ezinkundleni zokuxhumana ukuthi uThamsanqa "General" Sangweni obegijima kuChippa United eseyiBhakabhaka
USangweni (28) odabuka eDondotha kubhekwe ukuthi alandele ezinyathelweni zikamfowabo uSiyabonga owadla izicoco ezintathu ngesizini eyodwa neBucs ngo-2010/11.
Lo mdlali obeyibamba enkabeni yenkundla ubesanenkontileka yeminyaka emithathu neChippa njengoba esethengwe yiPirates. KuBucs usayine inkontileka yeminyaka emithathu.
Udalule ukuthi weneme ngokujoyina iqembu.
"Ngeneme ngokujoyina iqembu. Ngibheke ukufaka isandla empumelelweni yeqembu ukuze libuyele ezindaweni eyaziwa ngalo," kusho uSangweni kw-website yePirates.
Udaba oluphelele ephephandabeni lakho kusasa.
We'd like to welcome our latest signing to the Club #WelcomeSangweni https://t.co/aANXHw0fSE pic.twitter.com/kmTLl41jNM
— Orlando Pirates FC (@Orlando_Pirates) July 3, 2017