USEQALA ukuthola uthando naphesheya kwezilwandle ngokotini ‘awudlayo’ umrepha ongaphansi kweMabala Noise, uRiky Rick. Lo mrepha ngoLwesihlanu olwedlule ube ngomunye womrepha abambalwa ukunakwa iwebsite ehlonishwayo emhlabeni yabasiki bengqephu iNew York Times Fashion.
Ezinkundleni zokuxhumana zale-website bekugcwele izithombe zika-Riky Rick edle ukotini weGUCCI, azifelayo ngayo, kanti ngaphambilini bake bamncoma abalenkampani. Isithombe sakhe sithathwe u-Acielle, odumile emhlabeni ngokushaya izithombe ze-Street Fashion nkanti uphinde abe ngumthwebuli wephephabhuku iVogue, ngokunjalo ne-New York Times. Umsebenzi wakhe uphinde uvele nakwi GQ, Grazia, InStyle, Moda Operandi nakwamanye amaphephabhuku.
Ngesikhathi ebona izithombe zakhe kwi-New York Times Fashion ku-Instagram uRiky Rick uphinde wazidlulisela ekhasini lakhe naye. Selokhe ekhiphe iculo elithi “Sidla Ukotini” nyakenye lo mculi abalandeli bakhe abasamthendeli umculo nje kuphela kodwa sebelandela nendlela agqoka ngayo. Ngawo unyaka odlule unqobe indondo ye-Most Stylish Performing Artist in Music kuma-SA Style Awards.
Lo mculi usazoqhubeka aveze ezinkundleni zokuxhuma ezinye izithombe zakhe ezithathiwe ngesikhathi ehambele iParis Fashion Week.