I-airbag idala ubungozi ezinganeni

Comment on this story

KUNABANTU abangakholwa uma betshe-lwa ukuthi ama-airbag angaphambili ezimotweni anobungozi obukhulu ezinganeni

ezincane uma zihlaliswe khona.

Sekukaningi kwenzeka izingozi emgwaqeni kuqhume ama-airbag, kuthi izi-ngane ezisuke zihlaliswe ngaphambili zilahlekelwe umphefumulo ngoba ngesikhathi iqhuma ngamandla idala umonakalo omkhulu kwabahleli ngaphambili ikakhulukazi ezinganeni.

Ngamaholidi ePhasika abezimo eziphuthumayo bathi kube nengozi abangasoze bayikhohlwa lapho ingane elinganiselwa ezinyangeni eziyisithupha ishonile emuva kokuba imoto iphaphalazile yaphuma

emgwaqeni kwase kuqhuma i-airbag yaqondana ngqo nayo.

Ngenxa yezimo ezifuze lezi inhlangano yabanikazi bezimoto kuleli, i- Automobile Association (AA) ngokusebenzisana nezinye izinkampani zezimoto, bathi

izingane ezingaphansi kweminyaka engu-12 futhi ubude bazo obungaphansi kuka-150cm akumele nangengozi zihlaliswe ngaphambili emotweni.

Lokhu bathi yingoba izingane zisengozini yokulimala kanzima ebusweni nasenta-nyeni uma kudedeleka i-airbag. Inhlosongqangi yokwakhiwa kwama- airbag wukuthi asebenze kahle nebhande lasesihlalweni kubantu abadala ngoba uma efase ibhande sekudedeleka i-airbag iqondana nesifuba kanti enganeni iya ngqo ebusweni ngoba imfushane yona uma ihlezi esihlalweni.

Izazi ngezokuphepha ezimotweni zithi indawo ekahle yokuhlalisa izingane

ezincane emotweni yisesihlalweni sangemuva nakhona futhi kumele zifaswe

ngamabhande.

Uma kungenzeki lokhu ukhetha

ukuhlalisa ingane yakho ngaphambili kungcono ucishe inkinobho evumela

ukudedeleka kwe-airbag.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.