Indida ngezidumbu zabesifazane e-Edendale

Comment on this story

NONTUTHUKO NGUBANE

KUSEYINDINDA ukutholakala kwezidumbu ezimbili zabesifazane lapho kulahlwa khona udoti e-Edendale eMgungundlovu ngempelasonto.

Laba besifazane ababili abalinganiselwa eminyakeni engu-25 no-30 batholwe ngunogada obevela emsebenzini ngesikhathi edlula kule ndawo benqunywe uqhoqhoqho wabe esebiza amaphoyisa.

Amaphoyisa afice izidumbu ziqhelelene okushiya imibuzo ngokuthi babulewe kule ndawo yini noma babulewe base bezolahlwa kuyo.

Okhulumela amaphoyisa, uLt Joel Jeevan, uthe kusaphenywa ukuthi laba badlwenguliwe yini ngaphambi kokubulawa.

Ngokusho kwamaphoyisa omunye wesifazane mncane ngomzimba, unebala elikhanyayo, ubefakele nezinwele ezinde ezixhunyiwe nejini eluhlaza, ishethi elinsundu nezicathulo ezivulekile ezimnyama. Owesibili ukhuluphele, naye ubefake izinwele ezixhunyiwe. Ubefake ingubo enezimbali engafakanga zicathulo.

Ngokuthola kweSolezwe, le ndawo kudlula abantu abaningi kuyo abasuke bephuma edolobheli eMgungundlovu beya emalokishini aseduze eMbali, Ashdown naseCaluza. Le ndawo isetshenziswa yizigilamkhuba ukubamba inkunzi.

Amaphoyisa ase-Alexandra Road aphenya leli cala afisa ongaba nolwazi athinte uWarrant officer Bheki Langa ku-033 845 7724 noma 078 712 4199.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.