Injabulo uthisha enqatshelwa ibheyili

Comment on this story
NO makhanya1 INLSA UPHUME wagida ujabula umphakathi waseMahlongwa enkantolo yase- Scottburgh izolo ngemuva kokuthi kunqatshwe isicelo sebheyili kuthishanhloko osolwa ngamacala okudlwengula. Izithombe: PATRICK MTOLO

NOKUBONGWA PHENYANE

UKHIHLE isililo waphuma ebhokisini lofakazi esula izinyembezi uthishanhloko waseNjabulo Senior Primary School ngemuva kokuthi iNkantolo yeMantshi yaseScottburgh imnqabela ibheyili.

Izolo uthishanhloko ubefake isicelo sebheyili ngemuva kokuthi icala lahlehla ngesonto eledlule ummeli wakhe uMnuz Sithembiso Mbhele wacela ukuthi abuyekezwe wonke amacala ayebhekene nomsolwa njengoba ayefike okokuqala kuleli cala.

Kube nokujabula kumalungu omphakathi waseMahlongwa lapho kufundisa khona lo thisha ngesikhathi iMantshi uMnuz Giel Van Aarde etshela umsolwa ukuthi ngenxa yobucayi bamacala abhekene nawo ngeke kube wubuhlakani ukuthi bamdedele ngebheyili ngoba umphakathi uthukuthele.

Kuleli cala ummeli kathisha uqale wafunda incwadi efungelwe lapho umsolwa abebhale khona izinto ezimenza acele ukuphuma ngebheyili.

Kule ncwadi uthe amacala abhekene nawo akawazi futhi ufuna ukubuyela emsebenzini ngoba umndeni wakhe ubheke yena kukho konke.

NO makhanya4 UTHISHANHLOKO waseNjabulo eMkhomazi onqatshelwe ibheyili ngamacala okudlwengula enkantolo yase- Scottburgh elumana indlebe nommeli wakhe izolo enkantolo INLSA

Ethula incazelo efuna umsolwa angaphumi ngebheyili umphenyi wecala uSgt Bhekithemba Nzama uthe uma ephuma njengoba kuchaza incwadi efundwe wummeli wakhe ethi ufuna ukubuyela emsebenzini, izingane ezithintekayo kulolu daba kuzoba nzima ukuthi zibuyele esikoleni.

“Kukhona izingane ezintathu esezivele ngaphambili ezilinde isinqumo sanamhlanje ukuthi uma umsolwa engaphumi ngebheyili zikwazi ukuvula amacala okuthi wazidlwengula.

“Umsolwa mabi kakhulu amacala abhekene nawo ngakho izingane abezifundisa zizosaba ukuya esikoleni uma eke waphuma ngoba impilo yazo isengcupheni,” kusho uNzama.

Uthe enye yezingane okusolwa ukuthi yahlukunyezwa wumsolwa isanda kuthola ucingo luyazisa ukuthi uma ike yaba wufakazi wombuso izofa.

“Kuningi okungaphazamisa uphenyo njengoba umsolwa singazi ukuthi uma ededelwa yini angayenza. Izingane kuyimanje sizigcine endaweni la kungazi khona muntu njengoba bezikhala ngokusatshiswa. Nokuphepha kwakhe kungaba sengcupheni njengoba amalungu omphakathi engenza noma yini kuye uma ededelwa,’’ kuqhuba uNzama.

Kuleli cala eligcine lihlehlela uDisemba 21, iMantshi ithe kusamele kuqhubeke uphenyo njengoba esemaningi amacala avelayo ngomsolwa.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.