CLOSE X
Advertisement

Izimbali zezwe kwethulwa i-albhamu kaTira

Isolezwe

SIZWE BLOSE

Tell a friend
U-Anele Khoza,DJ Tira no Gugu Ndlovu emcimbini kaTira 
Isithombe:SANDILE MAKHOBAUDJ Tira we-frotainment ethula icwecwe lakhe estolo sezikibha
Isithombe:SANDILE MAKHOBA

UBUGABISA ngezintokazi eziyiziphalaphala umcimbi wokwethulwa kwe-albhamu entsha kaDJ Tira ebizwa nge-Zase-Afro Volume 2.

Le albhamu yethulwe ivele isibhekwe ngamehlo abomvu njengoba abantu abaningi bekhombisa ukuyithakasela kakhulu ingoma ekuyona ethi 4 000, izinhlamvu zayo ezithi Beng’no-4 000 seng’sele no-2000.

Lo mcimbi obunezintokazi ezinhle ebezishaye izigqebhezane ubusendaweni edayisa izikibha zodumo ezibhalwe ukuthi Bekumnandi Ungekho, ekuPine Street.

Ngaphandle kwalezi zintokazi bekunosaziwayo okungabalwa kubona uL’vovo Derrango, DJ Masiya, Mampintsha weBig NUZ, DJ Boonu, Oros, Le Soul, Gukwa, DJ Deep, Dr Popzin, Benzy noMzeks.

Abantu abebethenga le CD, uDJ Tira ubebasayinela yona bukhoma.

Okugqamile kwethulwa le albhamu ngukuthi azibanga khona izinkulumo kodwa kuvele kwagxilwa ezinkambeni zikaFaro kwasho igqomu kwadanselwa izingoma ezikuyona kwaze kwaba yiyo leyo ndaba.

Abantu abathanda umculo wokholo nabo bazoyithokozela le albhamu njengoba uTira efake noSfiso Ncwane kwenye ingoma.

Ingoma ebihamba phambili nebukeka ingaconsi phansi kubantu abaningi yile ethi- 4 000.

Lo DJ waziwa ngegqomu kakhulu kodwa njengoba bekulalelwe i-albhamu yakhe bekunezingoma ezishaya ngesigqi se-deep house, okusho khona ukuthi ngesikhathi eyihlanganisa ubengabhekile abantu abathanda isigubhu kuphela.

Tell a friend
Advertisement
X