SEKUSEZANDLENI zabalawula ukusetshenziwa kwemithi yokwelapha emhlabeni naseNingizimu Afrika ukuphasiswa kwendlela entsha yabesifazane yokugwema isandulela ngculazi.
Ososayensi abahambele i-8th SA Aids Conference eThekwini bagculisekile ngeringi yama-ARV ebekwa esithweni sangasese, ebizwa ngeDapivirine Ring, okuthiwa yehlisa ingozi yokuthola isandulela ngculaza ngo-30%.
Le ringi kuthiwa yehlisa amathuba okuthola isandulela ngculazi uma owesifazane eya ocansini nomuntu wesilisa.
Ngaphambi kokuthi yethulwe, kuqale kwenziwa inhlolovo ehlanganise abantu besifazane abangu-4 000 eNingizimu Afrika, Malawi, Uganda naseZimbabwe. Imiphumela yale nhlolovo izothunyelwa abe-European Medical Association emasontweni amabili azayo, nabeMedical Control Council yakulel ekupheleni konyaka.