Isematheni ezinkundleni zokuxhumana ivideo eveza amaphoyisa ejikijela abasolwa abane ngama-aphula 'ababanjwe' beweba eTheewaterskloof, eWestern Cape.
Kule-video esibonwe ngabantu abangaphezulu kuka-800 000 kuFacebook abasolwa babonakala bekleliswe emgwaqeni bejikijelwa amaphayosa ngama-aphula. Amaphoyisa abonakala ehleka kule video, ebuye ebathuke abasolwa.
Imeya yase Theewaterskloof, uNkk Christelle Vosloo, uthe sidicelelwe phansi isithunzi sabasolwa ngalesi senzo.
"Uma kukhona iphoyisa elingaphansi kukamasipala wakulendawo elitholakala linecala kulesi sigameko, lizothathelwa izinyathelo." usho kanje.
Uthe uzohlangana nabasolwa abebeshaywa, aqanisekise ukuthi bathola lonke usizo abaludingayo.