Kudlalwe i-video kufakaza uMngeni

Comment on this story
no Copy of ca pg6 Xolile Mngeni DONE (28306389) INLSA Mnuz Xolile Mngeni

INDODA esolwa ngokubulala uNkk Anni Dewani yayifuna ukwenza isitatimende emaphoyiseni yize yayingenammeli. Lobu wubufakazi obulalelwe eNkantolo eNkulu eWestern Cape izolo.

I-video edlalwe enkantolo ikhombise uMnuz Xolile Mngeni (osesithombeni) ephonswa imibuzo nguCaptain Adolf Jonker, oyiJustice of the Peace eBellville, eCape Town, ngobusuku bangoNovemba 16, 2010.

UMngeni, etolikelwa, watshela uCaptain Jonker ukuthi wayeyesaba lena enye indoda “eyenze lokhu.” Ngesikhathi ekhombisa ukuba manqika ngokuvuma, uCaptain Jonker ubonakala esho ephindelela ethi ukuqopha kuzomiswa uMngeni aze athole ummeli.

Ngemuva kwesikhathi eside uMngeni engacacisi ukuthi ufuna ukwenzenjani, wabe esetshela uCaptain Jonke ukuthi: “Ngizokwenza isitatimende manje bese ngithola ummeli uma sengiyovela enkantolo ngoba ummeli uzosuke abambezele yonke into njengamanje.”

Inkantolo ibilalele lobu bufakazi ifuna ukuthola ukuthi ngabe umbuso uzosamukela yini lesi sitatimende esenziwa nguMngeni ngaleso sikhathi.

UMngeni uyawaphika amacala okuthumba, ukuphanga, ukubulala nokutholakala nesibhamu esingekho emthethweni.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.