Kuduke imali neselula kufihlwa isitabane

Comment on this story
NO lungelo1 INLSA Lungelo Charles Mchunu

NONHLANHLA MKHABELA

UNINA wesitabane esagwazwa sashona ngempelasonto edlule ufuna kuphenywe ibhungu ekuthiwa lakhipha indodana yakhe endaweni yokucima ukoma laya nayo ukuyochitha amanzi ehlathini.

Lokhu ukusho ngesikhathi kufihlwa indodana yakhe uLungelo Mchunu ngoMgqibelo, KwaMashu.

Unina kamufi uNksz Nelisiwe Mchunu uthi kukhona elikwaziyo leli bhungu elibizwa ngoBheki njengoba kuthiwa bahamba elide ibanga futhi bahlala isikhathi eside bengabuyi noLungelo ekubeni intombi yakhe (uBheki) iyona esolwa ngokumgwaza.

“Kukhona akwaziyo lo mfana okuthiwa wahamba naye beyochama, akubanjwe yena akhiphe lonke iqiniso,” kusho uNksz Mchunu.

Uthi kubaphatha kabi bewumndeni ukuthi amaphoyisa ashaya ngonyawo lonwabu ngokuphenya lolu daba.

NO lungelo3 Bebedle ingqephu benje abangani bakaLungelo Mchunu ngesikhathi engcwatshwa KwaMashu ngoMgqibelo. Kusuka kwesokunxele uThabo Phakula, Lungelo Vilakazi, Bongani Gumede noMuzi Khoza. Isithombe: PATRICK MTOLO INLSA

“Umfowethu useke wawashayela amaphoyisa ucingo, umseshi wamtshela ukuthi ubesematasa ngamanye amacala,” kubeka uNksz Mchunu.

ULungelo obebizwa ngoFanifani, ubeseke waya kofunda eNgilandi okuyithuba alithola ngoba eyingane ehlakaniphile kanti ushona nje ubezilungiselela ukuyoqala izifundo zokwakha.

Khonamanjalo, ibhungu ebelingaziwa emndenini elafika ngoLwesine lizibiza ngomngani kaLungelo selisolwa ngokushaya lichithe nemali engaphezu kuka-R4000 neselula kamufi.

“Lo mfana obengaziwa muntu lapha ekhaya, ngisho nangabangani bakhe uLungelo kabamazi. Wafika ngoLwesine ethi ubone udaba olwaphuma ephephandabeni ngoLungelo. Kuthe izolo wathunywa ukuba eyothenga ugesi wekhadi wahamba unomphelo nokuyilapho sibone khona ukuthi sekunyamalele imali neBlackberry ebingekaLungelo,” kulandisa uNkk Mchunu.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.