Kuphele eyokuhlala zibuya kweyokugubha eyabesifazane

Comment on this story
NO concert9 INLSA UMSAKAZI weGagasi FM u-Alex Mthiyane nomethuli wezinhlelo zethelevishini uMinenhle "Minnie" Dlamini obephethe uhlelo ePlayhouse

FANELESIBONGE BENGU

ADAYISWE aphela amathikithi ekhonsathi yomculo ebisePlayhouse, ngoMgqibelo ebusuku nobekunandisa kuyona izintandokazi zabaculi.

Le khonsathi ibe ngemuva kwengqungquthela yaminyaka yonke yokucobelelana ngolwazi phakathi kwamaciko, iSouth African Women’s Art Festival.

Abantu bebefika batshelwe ukuthi amathikithi adayiswe aphela eComputicket kodwa abanye babe nenhlanhla bawathola ngaphakathi ePlayhouse.

Ngaphakathi abanye baze baphoqekela ukuthi bame njengoba ibingasekho indawo yokuhlala.

Kule khonsathi eqale ngo-7.30 ebusuku bekuboshelwe abesifazane asebezakhele igama kwezikaqedisizungu.

NO concert3 USOMAHLAYA uCeleste Ntuli ehlekisa abantu ePlayhouse ngoMgqibelo INLSA

Phakathi kwabebekhona ngusomahlaya odume ngamahlaya akhuluma ngocansi, uCeleste Ntuli kube nguZahara umculi owagila izimanga umculo wakhe udayiswa ubuthaphuthaphu futhi ewola izindondo nge-albhamu yakhe yokuqala.

Lo mculi okuzothi ngasekupheleni kwale nyanga alibangise eWembley Arena, eLondon, ukuyoshiyelana inkundla nezihlabani zase-Afrika oFlavour, 2 Face nabanye ubeshaya izingoma zakhe abantu banqekuzise amakhanda baze baphakamise izandla.

Ngaphandle kwakhe bekunandisa noThandiswa Mazwai okuthe ngemuva kwale khonsathi wabhala enkundleni yokuxhumana nge-internet, iTwitter, ukuthi ukube ubengakwazi, ubengacula ngisho amahora amabili.

Lokhu ubekusho ngenxa yokuthi unikwe isikhathi esincane wacula izingoma ezimbalwa kule khonsathi, abalandeli bakhe basala bengagculisekile.

UDJ Zinhle ufike ehamba noBusiswa imbongi ezwakala engomeni yakhe ethi My Name Is. Ngemuva kwale khonsathi lo DJ ulibangise eDela Sol kuFlorida Road lapho ebesayojabulisa abantu nakhona.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.