Livivela iVodacom Durban July iGagasi 99.5 FM

Comment on this story
NO SPANK4 UDJ Zinhle edlala eSpank ngempelasonto Isithombe:SANDILE MAKHOBA

SIZWE BLOSE

SEWUQALILE ukuvunguza umoya wesasasa lomjaho wamahhashi oba minyaka yonke iVodacom Durban July, ozoba ngoJulayi 7, eGreyville eThekwini.

Lo mjaho awugcini ngomjaho wamahhashi kodwa ubuye uhambisane nemfashini nobumnandi obusuke buthe chithi saka.

Isiteshi saseKZN iGagasi 99.5 FM sithembisa lukhulu kulo nyaka njengoba sithi sizobe siphethe ubumnandi obungasukumi phansi.

UVukile Zondi ongumphathi wezinhlelo kulo msakazo uthe iGagasi lizoguqula iTheku ngaleyo mpelasonto yobumnandi (Julayi 7) kwazise eminyakeni edlule belingabi nayo imicimbi yobumnandi ebalulekile kubathandi bobumnandi.

“Uzokhumbula ukuthi eminyakeni edlule bengisebenzela imisakazo ebeyenza iTheku lime enjenge-YFM ne-5 FM, namanje njengoba sengikwiGagasi FM kuzobe kukhulunywa ngomcimbi esiwenza ne-Afrotainment nabakwaMTN,” kusho uVukile.

Lo mcimbi abazowenza ngokuhlanganyela nabe-Afrotainment ubizwa nge-Fact Durban Rocks.

UVukile uthe kuzoba khona i-pre party ne-after party waveza ukuthi lo msakazo uzoba netende lawo ngosuku lomcimbi.

IFact Durban Rocks izoba sePeoples Park, eMoses Mabhida ngo-Julayi 7.

Kulo mcimbi kuzobe kuboshelwe abaculi noDJ abaseqophelweni eliphezulu okubalwa kubona uDJ Tira we-Afrotainment ehlanganisa lo mcimbi, Big NUZ, AKA, MiCasa, Sizwe Dhlomo, Bharr, Black Motion, Liquideep, DJ Sox , DJ Zinhle, Joocy, Happy, L’vovo, Siyanda, Shota, DJ Kent, Teargas, Spikiri, Mahoota vs Vetkoek, Zakwe, DJ Cndo, Thandolwethu, Oros, DJ Masiya nabanye. Amathikithi ale ndumezulu yomcimbi atholakala e-computicket.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.