.

Chris Brown noRihanna

ABACULI bodumo ababeyizithandani abesebephenduke inkukhu nempaka nezindaba zokuxabana kwabo zinashazwe kwabezindaba, sebebuyelene kwezomculo.

UChris Brown ucula noRihana emaculweni amabili angama-remix. La maculo amabili abophele inoni elithi Internet on Monday.

UBrown uzwakala ngephimbo lakhe elimtoti engomeni kaRihanna eyi-remix esihloko sithi Birthday Cake. URihanna yena uzwakala ngomzwilili wephimbo eculweni eliyi-remix likaBrown, i-Turn Up the Music.

UBrown ufake ku-Twitter i-link yaleli culo eseliyi-remix i-Turn Up the Music.

URihanna naye ulandele ezinyathelweni zikaBrown wabhala kuTwitter exoxa nge-remix abayenze noBrown eculweni i-Birthday Cake.

UBrown ekhuluma ephathini yokwandulela umcimbi wama-Grammy Awards ngo-2009 wavuma ukuthi washaya le ntokazi eyayiyintombi yakhe ngaleso sikhathi.

Ukhuze ibuya kumaGrammy ngalo nyaka enandisa kabili kulo mcimbi wawina ne-Award ye-Best R&B Album. NoRihanna unandisile kula maGrammy.

UBrown ubuye wafisela uRihanna usuku oluhle lokuzalwa njengoba ubeqeda iminyaka engu-24 ngoMsombuluko.