Sichithiwe isicelo sebheyili kuJub Jub

Comment on this story
no Copy of CT Jubjub162 INLSA Molemo "Jub Jub" Maarohanye. Isithombe: Dumisani Sibeko

SICHITHIWE isicelo sakamuva sebheyili ebesifakwe ngumculi we-hip hop uMolemo “Jub Jub” Maarohanye (osesithombeni), izolo eNkantolo ePhakeme yaseGoli.

IJaji J Koetzee uthe uyavumelana nesinqumo esathathwa yiNkantolo kaMantshi eseProtea, esasithi lo mculi wehluleka ukuveza izimo ezazingaholela ekutheni avunyelwe ukunikwa ibheyili.

“Kuncane kakhulu, uma bukhona, okungeseka lesi sicelo asifakile,” kusho uKoetzee.

UJub Jub nomngani wakhe uThemba Tshabalala, ngo-Okthoba 16, balahlwa ngamacala amane okubulala, amabili okuzama ukubulala, awokushayela ngesivinini esingavumelekile nokusebenzisa izidakamizwa.

Kwashona izingane ezine, ezimbili zalimala kabi engozini eyabangwa ngukujahana ngezimoto kukaJub Jub noTshabalala ngezimoto zabo ama-Mini Cooper, eSoweto, ngoMashi wango-2010.

Isigwebo sabo kulindeleke ukuthi sikhishwe ngoNovemba 30. – Intatheli yeSolezwe


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.