U-50 Cent uphumile esibhedlela

Comment on this story
NO_no 50cents0 AP USEPHUMILE esibhedlela u50 Cent abengeniswe kuso ngemuva kokulimala nemoto ngoLwesibili ekuseni. Isithombe: AP Photo

USEPHUMILE esibhedlela umculi we-rap waseMelika, u-50 Cent (osesithombeni) obengeniswe kuso ngemuva kokulimala engozini yemoto ngoLwesibili ekuseni.

Ngokwe-website yezindaba i-bbc.co.uk, u50 Cent, uCurtis James Jackson III (36), ulimale ngemuva kokuthi imoto yakhe eyiSport Utility Vehicle ingenwe ngemuva yiloli emgwaqweni onguthelawayeka oseLong Island.

Nomshayeli wakhe, uBruce Miller, uthole imihuzuko kule ngozi kanti welashiwe wabe esededelwa.

U-50 Cent, obuye abe ngumlingisi, ufake izithombe zakhe elele ohlakeni efake nento entanyeni ngenkathi esesibhedlela. Izithombe zisabalale ezinkundleni zokuxhumana abanye bethi ushonile.

Ngokwesitatimende esikhishwe ngokhulumela u-50 Cent, uphuthunyiwe eNew York Hospital Queens lapho ebelashelwa khona ukulimala entanyeni nasemhlane.

Kulindeleke ukuthi akhiphe i-albhamu entsha iBlack Magic kulo nyaka. U-50 Cent waduma ngemuva kokuphuma kwe-albhamu yakhe i-Get Rich or Die Tryin’ eyaphuma ngo-2003 ne-The Massacre eyaphuma ngo-2005 inezingoma ezifana neCandy Shop, Disco Inferno, Outta Control nezinye. – Intatheli yeSolezwe


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.