Ufuna intsha ibe neqhaza ezindabeni zezomnotho

Comment on this story
NO_lamola0 INLSA Mnuz Ronald Lamola

INTATHELI YESOLEZWE

INTSHA kumele inikwe ithuba lokubamba iqhaza ezindabeni ezithinta ezomnotho ukuze ikwazi ukwenza umehluko emphakathi. Lokhu kushiwo yiPhini likaMengameli we-ANCYL, uMnuz Ronald Lamola (osesithombeni) izolo.

“Isixazululo sokubhekana nezinselelo kwezomnotho silele entsheni. Le ntsha ezulazula emalokishini inawo umqondo,” kusho uLamola ngesikhathi kunenkulumo-mpikiswano ye-ANCYL ePitoli.

“Uma intsha ingabaholi emphakathini, kungani ikhishelwe ngaphandle ezindabeni ezithinta ezomnotho?” kubuza uLamola.

ULamola ubebeka umbono wakhe ngezindaba ezithinta ipolitiki nenkululeko yezomnotho kule ANCYL Dialogue ebise-University of South Africa ePitoli.

Uthe okwamanje lapha eNingizimu Afrika ngabasezingeni elithile kuphela abahlanganiswa nezindaba ezithinta umnotho.

ULamola uthe kumele kuphindwe kubhekisiswe umthetho ongu-Section 25 woMthetho-sisekelo wezwe. Uthe lo mthetho umayelana nobunikazi bomhlaba.

Uthe kunesidingo sokuthathwa ngokomthetho komhlaba ngaphandle kwesinxephezelo, nezimayini zibe ngaphansi kukahulumeni.

Uthe ayikho into eshintshile kusukela ngo-1994 selokhu kwaba khona uhulumeni wentando yeningi eNingizimu Afrika.

“Kudingeka sibe nenkululeko yezomnotho, hhayi lomnotho onenhlese yobandlululo esawuthola ngo-1994. Abantu abamhlophe basaphila impilo entofontofo sengathi baseHollywood. Iningi labamnyama lisakhungethwe wububha, bathembele emalini eyisibonelelo sikahulumeni ukuze baphile,” kusho uLamola.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.