UJudith uzoqopha bukhoma egubha iminyaka eyishumi esemculweni

Comment on this story
NO_Judith Ex-QDMS Judith Sephuma

ISIHLABANI somculo we-jazz, uJudith Sephuma (osesithombeni) sizogubha iminyaka ewu-10 sikulo mkhakha ngokuqopha i-albhamu sicula bukhoma nezobe iqukethe i-DVD ne-CD.

Lo msebenzi wakhe omusha obizwa ngokuthi A Legacy: Live in Concert uzobe ugxile ohambweni lwakhe kwezomculo kuze kube yimanje.

UJudith uthembisa ukuvezela abalandeli bakhe uthando lokudlala bukhoma analo kuyona yonke ingoma ekule albhamu.

I-CD ezophuma ngoJulayi 30 nonyaka ilandelwe yi-DVD ngoSepthemba 3 ezobe iqukethe izingoma ezingu-22.

Le DVD izobe iphelezelwa yi-CD ebizwa ngeLive at the Market Theater, enezingoma ezingu-12 eyaqoshwa bukhoma ngo-2002 kodwa yangakhishwa kanti ngayo uJudith uthi ubonga abalandeli bakhe abalokhu bemeseke njalo.

Kwi-DVD yakhe ezoba ngamahora amabili uzobe ebophele enye inkakha yomculo we-jazz u-Oliver Mtukudzi nabanye abaculi kanti uzobe ehambisana ne-orchestra.

UJudith uthi kade kwakuyiphupho lakhe ukuqopha i-DVD bukhoma njengoba nabalandeli bakhe bese bembuza ukuthi uzoyenza nini.

Uthi noma ekuthanda ukuqopha estudiyo kodwa wakhuliswa ngokucula bukhoma ne-ochestra futhi lokhu kwenza eze nomuzwa ohlukile njalo uma esesteji.

“Ngikholwa wukuthi ngilinde kwaze kwafika isikhathi esifanele ukukhipha le DVD njengoba nomsebenzi wami usuze wafika kuleli zinga,” kusho uJudith.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.