Ukugula kuhlehlise |icala likaMaqubela

Comment on this story
no Copy of ct 1 INLSA UNKK Thandi Maqubela, osolwa ecaleni lokubulawa komyeni wakhe, uMnuz Patrick Maqubela. Isithombe: Mxolisi madela

KUBAMBEZELEKILE ukuqhubeka kwecala lomfelokazi, uNkk Thandi Maqubela, obhekene necala lokubulawa komyeni wakhe, iJaji elalibambile uPatrick Maqubela. Ukubambezeleka kwecala kungenxa yokugula kukammeli kaNkk Maqubela nomsolwa ongusomabhizinisi osebenzisana noNkk Maqubela ababekwe naye icala izolo.

IJaji uJohn Murphy litshele uDkt Sipho Mfolozi oyiPathologist, okunguye obekumele aphonswe imibuzo izolo, ummeli kaNkk Maqubela, uMnuz Marius Broeksma, uyagula.

Yize uBroeksma ebekhona enkantolo kodwa icala lihlehlele ikusasa.

UMurphy uxolisile kudokotela ngokuphazamiseka kwecala.

“Ukugula yizilingo ezisehlela noma kunini uma kuqulwa amacala obugebengu. Kungaba asibenzi ubulungiswa kubona bobabili ummeli nomsolwa uma sibaphoqa ukuba bagibele ebhokisini icala liqhubeke bengakalulami,” kusho iJaji.

UMaqubela nasolwa naye, usomabhizinisi uMnuz Vela Mabena, babhekene necala lokubulala nokukhwabanisa.

Abashushisi uNkk Bonnie Currie-Gamwo noMnuz Pedro van Wyk, basola ukuthi abasolwa basebenzisa uplastiki ukuncisha uMaqubelaumoya esemzini wakhe eSea Point ngoJuni 5, 2009. Basola umfelokazi ngokukokotela incwadi yamafa ayisayina sengathi isayinwe ngumufi.

Kusolwa ukuthi wathatha leyo ncwadi wayiyisa ehhovisi leMaster of the High Court eGoli elibhekele izindaba zamafa asebeshonile.

UMabena yena akukakachazwa ukuthi uthinteka kanjani kulokhu.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.