UMahoota uthi akagqugquzeli uphuzo ngengoma iStokfel

Comment on this story
no mahhhota ISOLEZWE UDJ Mahoota wengoma eshisa izikhotha kulezi zinsuku ethi Stokfel, athi uzonyakazisa ngayo iTheku kule mpelasonto.

SIZWE BLOSE

UPHIKA eyokuthi ugqugquzela abantu ukuba bacwile ezimbizeni zikaFaro uDJ Mahoota, ingoma yakhe eshisa izikhotha kulezi zinsuku.

Lo DJ, ophinde abe ngumqondisi wenkampani yomculo iKalawa Jazzmee, uthi ingoma yakhe ethi Stokfel, ayihlangene nokukhangisa utshwala.

UZayne Sibika owaziwa kakhulu ngoDJ Mahoota uthe ngale ngoma ukhumbula izikhathi lapho okwadedelwa owayenguMengameli wokuqala omnyama ejele uMnuz Nelson Mandela.

“Ngalezi zikhathi le ngoma yayidume kakhulu wonke umuntu ekhuluma ngayo. Okunye ikhuluma ngestokfela okuyinto thina bantu abamnyama esiyikhonzile ngoba yenza ukuthi songe imali,” kusho uMahoota.

Uthe kungekudala uzobonakala noManqoba okunguyena ocula phambili kule ngoma eyishaya bukhoma ezindaweni zobumnandi kanti kuyona le ngoma kunoProfessor no-Oskido.

Le ngoma yaduma kakhulu ngama-90’s iculwa yiqembu, iVuka Afrika.

UMahoota uthi le ngoma ikwi-albhamu yakhe entsha enezingoma ezingu-30, ibizwa ngoDinaledi, phakathi inama-CD amathathu kodwa uthe inani layo lizokuba ngele albhamu eyodwa.

Uthe kunengoma ethi Via Orlando kaMonwa &Sun okukhona kuyo uDr Malinga athe izoshisa izikhotha.

“Ngiphinde ngasebenzisa ingoma kaLetta Mbulu ethi, Not Yet Uhuru eculwa nguCelimpilo. Noma ikanjani ngizozidlala lezi zingoma kule micimbi engizoyihambela njengoba ngiseThekwini,” kusho uMahoota.

Uthe le albhamu yakhe ingeyomndeni wonke ngoba kunezingoma zomculo wokholo, i-hip hop, house ne-kwaito.

Uveze ukuthi izobe seyitholakala ezitolo ngoMsombuluko.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.