UPhiyega akayibheke eyabalimi – AfriForum

Comment on this story
Copy of no Copy of NT_rhia0_CITY_E1 INLSA Riah Phiyega

UKHOMISHANA omusha wamaphoyisa, uRiah Phiyega (osesithombeni), kumele abeke phambili udaba lokubulawa kwabalimi emapulazini, ngokusho kwe-AfriForum.

Ngaphezu kwalokhu le nhlangano elwela amalungelo abalimi ifuna uPhiyega asungule uphiko oluyisipesheli oluzobhekana ngqo nokuphepha emakhaya. Lokhu kuvezwe yiPhini lesikhulu esiphezulu kwi-Afriforum, u-Ernst Roets, esitatimendeni esikhishwe izolo.

“Asisho ukuthi lokhu kumele kubekwe ngaphezulu kokunye ukubulawa kwabantu. Kodwa iqiniso lithi kunesibalo esikhulu sabalimi ababulawayo uma kuqhathaniswa nesibalo sabantu ababulawa ezweni lonke,” kusho uRoets.

Uthe bahlela ukuhlangana noNgqongqoshe wezamaPhoyisa, uMnuz Nathi Mthethwa, kanye naye uPhiyega njengoba njengamanje besahlanganisa umbiko ngokuhlaselwa kwabalimi emapulazini. Ngenyanga edlule kube nokuhlaselwa okuhlukene kwabalimi. Owesifazane oneminyaka engu-57 uhlaselwe waphangwa imali engaziwa epulazini lakhe iLichtenburg, eNorth West, kwabuye kwahlaselwa owesifazane nomnyeni wakhe asebekhulile epulazini elise-Ladysmith.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.