UPhuzekhemisi wodumo usezoba wumhleli wemicimbi

Comment on this story

S’BU MASANGO

UMCULI kamaskandi uZibokwakhe Mnyandu odume ngelikaPhuzekhemisi usezosheba umculo nokuhlela imicimbi yawo.

UPhuzekhemisi utshele Isolezwe ukuthi uhlela uMdoni Music Festival ozokuba ngoDisemba 16, eScottburgh eningizimu yeKwaZulu-Natal.

Uthe inhloso yokungena kulo mkhakha yingenxa yokuthi abantu abahlela imicimbi abazi lutho ngomculo kanti benjalo nje bayabaqola.

“Ngihlela umcimbi ohlanganisa abaculi abehlukene ngisho nabamhlophe imbala. Le festival izoba nazo zonke izinhlobo zomculo ezithandwa abantu abamnyama nabamhlophe. Kuzobe kukhona ngisho amaqembu abamhlophe,” kusho lo maskanda.

Uthe izodonsa abantu abaningi abaqhamuka ezindaweni ezahlukene nezinhlanga ezahlukene.

Ukuqinisekisile ukuthi izoba minyaka yonke, uthe abaculi abazocula kule festival ngabadumile bakuleli kanti eminye imininingwane izotholakala ngokuqhubeka kwesikhathi.

Ukhuluma kanje uPhuzekhemisi usezinhlelweni zokungena estudiyo eyoqopha ngoJulayi.

Uphinde wathi usazoqhubeka nomaskandi.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.