Usesimeni esigculisayo uMandela: Maharaj

Comment on this story
Copy of NO_NO madiba0 AP Nelson Mandela

ODOKOTELA basazoqhubeka nokuhlola owayenguMengameli wakuleli wokuqala wentando yabantu, uMnuz Nelson Mandela (osesithombeni). Lokhu kushiwo yihhovisi likaMengameli izolo.

“UMandela ube nesikhathi esikahle sokuphumula ebusuku, ulale kahle,” kuqinisekisa isitatimende sikaMnuz Mac Maharaj, okhulumela ihhovisi likaMengameli Jacob Zuma.

“Usezandleni ezifanele,” usho kanje.

UMandela (94), ubengeniswe esibhedlela esisePitoli ngoMgqibelo.

Ngaleso sikhathi uMaharaj uthe njengoba eke washo phambilini, uMandela uyothola ukuhlolwa ngokwempilo okuyinto okumele yenzeke njalo kule minyaka anayo yobudala.

NgeSonto ekuseni, uMengameli Zuma uvakashele uMandela esibhedlela wamfica ezikhululekele,” kusho uMaharaj.

Uqhube wathi ihhovisi likaMengameli libonga kakhulu emiphakathini ngemiyalezo ebiduduza izihlobo nomndeni kaMandela.

“Sibonga nabezindaba nomphakathi ngokunika umndeni ithuba lokubhekana nalolu daba ngasese, nethimba lezempilo lakwazi ukwenza umsebenzi walo ngasese lingaphazanyiswa,’’ kusho uMaharaj.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.