USexwale nowakwakhe bayahlukanisa

Comment on this story
Copy of st filer judy and tokyo 010 INLSA IZINTO zazisahamba kahle kuMnuz Tokyo Sexwale nomkakhe uNkk Judy Sexwale asebefake enkantolo isicelo sokuhlukanisa umshado asebehlale kuwo iminyaka engu-20. Lapha babephuma eNkantolo yeMantshi yaseWynberg ecaleni lokudunwa kwemoto kaNkk Sexwale okwenzeka ngoJulayi nyakenye. Isithombe: CHRIS COLLINGRIDGE

INTATHELI YESOLEZWE

NGEMUVA kweminyaka ecela kwengu-20 uNgqongqoshe woMnyango wezokuHlaliswa kwaBantu, uMnuz Tokyo Sexwale nomkakhe, uNkk Judy Sexwale, beshadile, sebefake incwadi yesehlukaniso enkantolo.

USexwale uphumele obala ephephandabeni eliphuma ngeSonto, iSunday Times ngencwadi yesehlukaniso ayifake enkantolo lapho efuna kuqedwe ngomshado obuzoqeda iminyaka engu-20 namuhla.

USexwale encwadini efungelwe ebhalwe ngummeli wakhe, uphika izinsolo zokuhlukumeza umkakhe nokuthi nguyena imbangela yokuchitheka komshado.

Ummeli kaSexwale, uSolwazi Billy Gundelfinger, uthe bazochaza konke enkantolo ngezizathu eziholele ekupheleni komshado.

Ngakolunye uhlangothi ummeli wenkosikazi kaSexwale, uBeverley Clark, uthe uNkk Sexwale ubefisa lolu daba lokudivosa kwabo luphathwe ngesizotha kodwa lokhu ngeke kusenzeka ngenxa yokuthi uSexwale uyenqaba bafike esivumelwaneni sokuhlukaniselana ngezimpahla ngaphandle kokufaka izinkantolo emshadweni wabo ohlanganisa amafa.

UClark uthe uJudy ukholelwa wukuthi ubudlelwano bakhe noTokyo akubona obokunekelwa izwe. ngakolunye uhlangothi uGundelfinger uthe kuyadabukisa ukuthi uJudy ahubhuza amanga athi uthola amasentshana kuTokyo.

Ngokwencwadi esenkantolo uJudy ufuna umuzi obiza u-R70million, u-R3 million wokugcwalisa ifenisha, imoto ebiza u-R1 million ezoshintshwa njalo emva kweminyaka emihlanu, bese kuba u-R150 000 zinyanga zonke ukuze azinakekele.

Bobabili bamelwe ngabameli abahlonishwayo emacaleni esehlukaniso omtakabani kuleli.

Bashada ngo-1993 ngemuva kwesikhathi eside bethandana kusukela uSexwale esadonsa eRobben Island.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.