Uyosakazela eNew York oweMetro

Comment on this story
no touch metroooo Group USEZOLUSHAYELA ephesheya uhlelo lwakhe uTbo Touch weMetro FM njengoba eseya kwi-Hot 97 yaseNew York

SIZWE BLOSE

UBUYELA phesheya umsakazi weMetro FM oshayela uhlelo lwantambama ngo-3 kuya ku-6 olwaziwa ngokuthi yiTouch Down.

UThabo Molefe odume ngoTbo Touch, owake washayela uhlelo lomculo ku-SABC 1 i-Live, ugcine ephumele obala ngokushiya kwakhe iNingizimu Afrika.

Lo msakazi osezakhele udumo ngokuba nezingxoxo nabaculi baseMelika, uthi uhlale isikhathi eside efunda eNew York, wagcina esezakhele abangani abaningi.

“Bengihlezi ngibika ngezinto ezenzeka eMelika ezithinta ubumnandi kwiMetro FM njalo ngoMgqibelo, ngithe uma ngibuya ngangena kuwona lo msakazo,” kusho uTouch.

Uthe njengoba ehamba ngoSepthemba uya kwi-Hot 97 okuwumsakazo ohamba phambili eNew York nokuyido-lobha abevele ehlala kulona.

no tttbo Tbo Touch Group

Uthe kulo msakazo ngeke abe nohlelo lwakhe kepha uyoshayela olwezemidlalo.

Uthe abalandeli bakhe mabangakhathazeki ngoba usazoqhubeka nokuzwakala kwiMetro FM enza lona lolu hlelo lwantambama.

“Umehluko ozokuba khona ngukuthi ngizobe ngilwenzela phesheya kwezilwandle. Engingakusho ukuthi abantu ngizobalethela izihlabani zaphesheya kuleli,” kusho uTouch, ozwana kakhulu nabaculi baphesheya abafana noJohn Legend, Akon, Keri Hilson nabanye.

Uthe ukufudukela kwakhe eMelika abantu kumele baku-buke njengento ezolekelela kakhulu endimeni yezomculo.

“Baningi abaculi abafuna ukuya phesheya abangazi ukuthi kumele benzenjani, uma belalela uhlelo lwami kwiMetro FM ngeke besaba nenkinga,” kusho uTouch.


sign up
 
 

Comment Guidelines



  1. Please read our comment guidelines.
  2. Login and register, if you haven’ t already.
  3. Write your comment in the block below and click (Post As)
  4. Has a comment offended you? Hover your mouse over the comment and wait until a small triangle appears on the right-hand side. Click triangle () and select "Flag as inappropriate". Our moderators will take action if need be.