NOKUBONGWA PHENYANE
OSAZIWAYO ngokuhlukana kwezigaba bajabulise abantu abadele imvula namakhaza izolo baya kovala iFood and Wine Show, e-Exhibition Centre, eThekwini.
Osaziwayo kusuka ekulingiseni kuya kwabadume ngokupheka badonse amehlo abebekulo mcimbi.
Abalingisi be Sidingo, negeza lensizwa eselizakhele igama ekulingiseni uMaps Maponyane babe ngabanye babalingisi abebesesitendini sakwa-SABC 3.
Lesi sitendi kubukeke kuyiso esidonse amehlo abaningi njengoba besinosaziwayo okubalwa kubo ngisho abapheki baphesheya kwezilwandle.
Ukungena kompheki wase-India uRiza nombhaki waseMelika odume ohlelweni iCake Boss uMauro Castano kwenze abantu abaningi bezinhlanga ezahlukene baqoqana kulesi sitendi.
Ijaji lohlelo lokupheka iMaster Chef uBenny Masekwameng ngomunye obevakashelwa kakhulu esitendini abekuso. Lo mcimbi wethulwa elokishini laKwaMashu endaweni yokudlela i-One and Only.
Abapheki abahlukene basine bededelana kule ndawo.