INTATHELI YESOLEZWE
U ZOKHONJISWA bukhoma ku-SABC umcimbi owubukhazikhazi wokuhlonipha amaciko asebenza emkhakheni wezamafilimu netheleveshini.
Umcimbi wamaSouth African Film and Television Awards (Safta) ongowesishiyagalolunye kulo nyaka, uzosakazwa ku-SABC 2, ngeSonto, ngo-7.30 ebusuku kuya ku-10.30 ebusuku.
Lo mcimbi okuklonyeliswa kuwo amaciko ngendondo ebizwa ngeGolden Horn, uzoba seGhalagher Estate, eMidrand, eGoli, ngoLwesihlanu ebusuku kuthi isigaba sesibili sibe ngeSonto nokuyiso esizotshengiswa bukhoma.
Inhloso yalo mcimbi ngukuhlonipha nokugqugquzela abakule ndima ngomsebenzi wabo wokujabulisa ababukeli nokuvundulula ikhono labalingisi.
Umcimbi wakulo nyaka ubhekwe ngabomvu njengoba uqhamuka neqoqo elisha elihlabahlosile leBest Presenter Award nokuzovota kulo abalaleli.
Kulo mqhudelwano yileli qoqo kuphela elivotelwa ngababukeli.
Okunye obekwenza amaqoqo alo mqhudelwano abhekwe ngabomvu ngukuthi uzongena yini umdlalo owuchungechunge i Generations: The Legacy.
Lokhu kungenxa yothuli olwasuswa ngabalingisi abangu-16 be Generations ngonyaka odlule abangenela isiteleka esingekho emthethweni bekhala ngamaholo, izinkontileka ezivuselelwa njalo ngonyaka nokungakhokhelwa imali yeziqephu eziphindaphindwayo.
IGenerations: The Legacy ayiqokwanga nakowodwa umkhakha okunalokho kugqame iSkeem Sam esangena esikhaleni salo mdlalo ngenkathi umisiwe ngenxa yesiteleka sabalingisi.
Uhla lwabaqokwe kwiBest Presenter Award lumi kanje:
1 Lungile Radu
- Big Brother Mzansi
2 Jessica Mtimkulu - Blue Couch
3 Bonang Matheba
- Clash of the Choirs SA
4 Bujy Bikwa - Cula Sibone
5 Darren Green - Doctor's Orders
6 Masechaba Lekalake - Ekse let's
talk with Masechaba Lekalake
7 Katlego Maboe
- Expresso Morning Show
8 Tshepo Maseko - Gospel Classic
9 Ntombi Ngcobo-Mzolo - Gumba
10 Masechaba Lekalake
- I love South Africa
11 Katlego Mlambo - Kasi-Licious
12 Jeremy Maggs
- Maggs On Media
13 Mooiloop (Ensemble)
14 Vusi Zion - Movers & Shakers
15 Thembi Seete - Nguwe Na
16 Johan Stemmet
- Noot vir Noot
17 Phat Joe - The Real Goboza
18 Siyabonga Ngwekazi - Turn.