Lindi Masinga
KUHLEHLISIWE ukukhishwa kwesigwebo ecaleni elibhekene noDJ wodumo uDj Donald “Donald Duck” Sebolai lokubulala. Izolo nkantolo yeMantshi eseGoli, iPalm Ridge Magistrate's Courte ikuhlehlisele ukuba kukhishwe yiNkantolo eNkulu ukugwetshwa kukaDJ Donald.
Lo DJ owake wasebenza njengomsakazi komunye wemisakazo yomphakathi eSoweto, iJozi FM, ubhekene necala lokugwaza abulale intombi yakhe uNksz Dolly Tshabalala nyakenye.
IJaji uCassim Moosa lithe ngemuva kokubhunga nethimba lalo linqume ukuhlehlisa ukukhishwa kwesigwebo kube ngoMsombuluko mhla ka 12 Okthoba. Ngemuva kokuhlehliswa kokukhishwa kwesigwebo, uNksz Gloria Khoza, ongudadewabo kamufi uthe: “Thina njengomndeni sisibheke kabi isinqumo. Besithemba ukuthi kuyaphela ngalo sizwe isigwebo yize konke lokho kungeke kusamvusa udadewethu. Siphatheke kabi”