KULINDELEKE ukuthi ligcwale phama iYadi ngoSepthemba 15 sekutheleke omunye wabaculi ababalwa nabaphambili njengamanje emhlabeni, uDavido.
Lesi sihlabani saseNigeria asiconsi phansi kubathandi bomculo kuleli njengoba amanoni aso elokhe eqhululwe njalo emsakazweni. UDavido uzifake ezinhlizweni zabathandi bomculo kuleli ngamaculo akhe i-IF neFall, ababalwa naphambili kubathandi bomculo kuleli.
Indlela i-IF ethandwe ngayo nakwamanye amazwe, umculi wase United States uR. Kelly uze wenza iremix naye ephume ngenyanga edlule. Ngemuva kokunandisa eYadini uDavido uzodlulela kwiMajor League Gardens ezobe iseFNB Stadium ngoSepthemba 16.
Okwamanje abahleli bayo yomibili lemcimbi abakalumemezeli uhlu lwabaculi abazobe besina bededelana noDavido esiteji. Amathikithi eMajor League Gardens atholakala ngo-R200 eComputicket, aweVIP abiza u-R650.