Communications Minister Ayanda Dlodlo Picture: Thobile Mathonsi/ANA
UNGQONGQOSHE wezokuXhumana uNkk Ayanda Dlodlo welule izinkontileka zezikhulu ezisabambile enhlanganweni yezokusakaza kuleli iSouth African Broadcasting Corporation (SABC),okuhlanganisa neyesikhulu sezimali esisabambile kuze kuqashwe abantu ngokuphelele.
Lokhu kuza emuva kokuthi kusalindwe uMengameli Jacob Zuma ukuthi aphasise amalungu ebhodi lakwaSABC akade efake izicelo zomsebenzi emuva kokuphela kwenkontileka yamalungu ebhodi lesikhashana ephele ngoSepthemba. 
Amalungu ephalamende aqede ukuvivinya abacele umsebenzi kwaSABC ngesonto eledlule. 
UDlodlo uthe bakhethe ukwelula izinkontileka zikaNkk Nomsa Philiso, uNkk Bassie Tugwana, uNkk Thabile Dlamini obekulindeleke ukuthi izinkontileka zabo ziphelelwe yisikhathi izolo ebusuku.
"Ngithemba ukuthi lokhu kuzoletha uzinzo kwaSABC kuqinisekise ukuthi isimo sihlala sisihle kuze kufike ibhodi elisha," kusho uNkk Dlodlo esitatimendeni.