ABAZIBONELE ngo-si u-Edward Manqele osanda kukhonjwa indlela kwiKaizer Chiefs edlala emqhudelwaneni wama-amesha eMagaliesburg emasontweni amabili adlule abawuvali umlomo ngokunona kwalo mdlali ekubeni kade enenkontileka egcwele kwiChiefs ngesizini edlule.
Akukona okokuqala uPotshoza ehlangabezana nabantu abakhala ngokukhuluphala kukaManqele kwazise nangesikhathi esuka kwiMamelodi Sundowns eya kwiChiefs lolu daba luke lwamunyungwa impela. Ngaleso sikhathi uManqele utshele iqhawe lakho ukuthi yena vele ungumuntu onomzimba ngakho uma eke wahlala isonto engaziqeqeshi kusheshe kubonakale.
Kuze kube yimanje uManqele usathungatha iqembu elizomcosha njengoba elahlwe yiChiefs nje. “Nginesiqiniseko sokuthi ngeke aphinde abonakale ebholeni elikhokhelayo. Ukhuluphele ngale ndlela yokuthi akakwazi ngisho ukujaha ibhola uma ephaselwa,” kusho umthombo ongumngani kaPotshoza.
-Potshoza