SEBEZOKWAZI ngoLwesibili abaculi bakuleli obekulindeleke bazi namhlanje ukuthi baqokiwe yini emikhakheni eyehlukene emcimbini owenziwa yisiteshi somsakazo iMetro FM.
Abahleli balo mcimbi obekumele ube seGoli, bathumele isixoliso bebikela abezindaba ukuthi umcimbi ngeke usaba khona.
Bathe konke ngalo mcimbi sekuzoba ngoLwesibili. Kulo mcimbi lesi siteshi sisuke sizokwazisa ukuthi yibaphi abaculi abazoqophisana emikhakheni eyahlukene.
Okhulumela iSABC, uMnuz Kaizer Kganyago uthe okwenze umcimbi wahlehla wukuthi kukhona izinto ebezingaqondile.
Kulindeleke ukuthi kube nomcimbi omkhulu kulo nyaka eThekwini ozoba ngoFebhuwari 25, eNkosi Albert Luthuli ICC).
Nakulo nyaka kulindeleke ukuthi lo mcimbi ubonakale bukhona kuSABC 1, ngosuku oyobe uqhubeka ngalo.
Lo mcimbi ongowesi-16 kulo nyaka, indikimba yawo ithi ‘What’s Next Is All That Matters,’.