LIHLEHLISELWE u-Okthoba 17, icala elibhekene nomholi we-EFF uMnuz Julius Malema mayelana nokuyalela amalungu eqembu lakhe ukuthi athathe umhlaba okungesibo owawo.
UMalema ubevele eNkantolo yeMantshi yaseBloemfontein izolo.
Leli cala lavulwa i-AfriForum lisukela enkulumweni kaMalema ayenze ngo-2014, lapho agqugquzela amalungu eqembu lakhe engqungqutheleni yabo eBloemfontein ukuthi kumele abathethe umhlaba wabamhlophe ngo "dli."
Ummeli wombuso u-Advocate Raymond Mathenjwa uthe isicelo sabameli bakaMalema sokuthi kuchithwe umthetho mayelana nodaba lo mhlaba sizolalelwa ngoJulayi kanti isinqumo kulindeleke siphume ngoSepthemba.
Uthe isinqumo esicelweni sikaMalema isona esizoba umkhombandlela ekutheni kumele kuqhutshekwe yini nokushushiswa kwakhe.
UMalema izolo ubemelwe u-Advocare Flody Legodi.